بلوچستان ءِ بنجا غان نیمہ فنڈ رسینگک، چیف سیکرٹری

0

Get real time updates directly on you device, subscribe now.

کوئٹہ(آن لائن) بنجائی وزیر ڈٹ بندی اسد عمر پارینے کہ بلوچستان نا شونداری ءِ بنجائی حکومت اولیت ایتک۔ نن بلوچستان نا ہر علاقہ خاص وڑ اٹ پد تموک آ علاقہ غاتا شونداری کن غٹ وسیلہ غاتے کاریم اٹ اتینہ۔ بلوچستان نا شونداری ءِ بنجائی حکومت نا اولیت ایتک، دا ہیت آتے او کوئٹہ ٹی شونداری ڈٹ آتا بابت اڈ ہلوک اسہ بریفنگ اسے نا وخت آ ہیت و گپ کرسا کرے۔ دا وخت آ بنجائی وزیر دفاعی پیداوار گودی زبیدہ جلال، ڈپٹی اسپیکر قو می اسمبلی قاسم سوری‘ چیف سیکرٹری بلوچستان کیپٹن (ر)فضیل اصغر صوبائی سیکرٹریک و ایلو کمامدار آک ساڑی ئسر۔ ایڈیشنل چیف سیکرٹری ڈٹ بندی و شونداری عبدالرحمن بزدار دیوان ءِ سرجم بریفنگ تس۔ چیف سیکرٹری بلوچستان دا وخت آ پارے کہ بنجائی بجٹ اٹی صوبہ نا شونداری و شونہالی کن 70، 80 ارب روپئی نا فنڈ جتا کننگک، ولے دا فنڈ آتا بیرہ نیمہ بلوچستان حکومت ءِ تننگک۔ ہراڑان صوبہ ٹی برجا بنجائی شونداری ڈٹ آک زہمی مریرہ۔ بنجائی وزیر ہیت و گپ کرسا پارے کہ بنجائی حکومت فنڈ آتا بابت اسہ گچین ءُ میکنزم اس جوڑ کرینے، بنجا نا کنڈ آن داسہ ہراخس کہ فنڈ شونداری ڈٹ آتے کن جتا کننگرہ، اوفتے کاریم اٹ اتنگک۔ او کچھی کینال نا ارٹمی و مسٹمی ردریسہ نا پوروی نا باور کرفسا پارے کہ بنجائی حکومت کینال ءِ پورو کننگ کن صوبائی حکومت تون ہر وڑ اٹ کمک کیک۔ او پارے کہ بنجائی حکومت صوبائی دارالحکومت اٹی اسہ بھلو سیل سواتی پبلک پارک اس جوڑ کننگ نا ڈٹ ڈول اس سجفینے، ہراڑکن ڈغار صوبائی حکومت ایتک، وخت اس کہ فنڈ بنجائی حکومت فراوان کیک۔

Get real time updates directly on you device, subscribe now.

Leave A Reply

Your email address will not be published.