مُد انا خرابی نا سوب آن ٹیم انا بیٹنگ زہمی مس‘ عابد علی

اولڈ ٹریفورڈ(مانیٹرنگ ڈیسک) قومی ٹیم نا اوپنر گوازی گر عابد علی پارینے کہ مُد انا سوب آن ٹیم بیٹنگ زہمی مننگ نا سوب جوڑ مس۔ انگلینڈ اولڈ ٹریفورڈ تون ویڈیو کانفرنس اٹ او پارینے کہ فواد عالم پاکستان کن گوازی کننگ اٹی ءِ، ہر اسٹ خواہک کہ او ٹیم اکن رنز جوڑ کرے، اونا آؤٹ مننگ نا شیدائی تا وڑ اٹ ننے کل ءِ ڈکھ بس۔ عابد علی پارینے کہ انگلش کنڈیشن تا اولیکو آزموندہ اسے، اودے تینکن چیلنج تکوہ، کوچ آک جوان تیاری کرفے، جوان کارکڑد نشان تننگ نا کوشست کننگ اٹی ءُُ، پُوسکن آ بال اتون مون ترسا کریز آ اُرے اسکان سلیس۔ 60 آ آؤٹ مننگ آ اُست ہسونی مس ولدا کرکٹ اٹ ہندن مریک، منیجمنٹ نا کنڈآن بھلو کمک اس تننگانے، ہچ ءُُ پریشر محسوس کپک۔