گوازی تا سرگرمیک بحال‘ سائیکلنگ فیڈریشن نا اکتوبر آن دسمبر اسکان 5 ایونٹ آتا شیڈول نا پڑو
Get real time updates directly on you device, subscribe now.
اسلام آباد (مانیٹرنگ ڈیسک) حکومت نا کنڈآن گوازی نا سرگرمی تے بحال کننگ آن پد پاکستان سائیکلنگ فیڈریشن ہندا سال اکتوبر آن دسمبر اسکان 5 ایونٹ آتا شیڈول نا پڑو کرے۔ پاکستان سائیکلنگ فیڈریشن نا صدر سید اظہر علی شاہ نا کنڈآن جاری پڑو نا رداٹ فیڈریشن پنچ ایونٹ نا شیڈول نا پڑو کرینے ہرانا رداٹ نیشنل روڈ سائیکل ریس برائے مینز اسلام آباد آن مری26 اکتوبر، نیشنل سائیکلنگ کورس24 آن 25 اکتوبر اسلام آباد، بین الصوبائی روڈ ویمنز سائیکلنگ چمپئن شپ 15 نومبر کراچی، 5میکو نیشنل روڈ سائیکلنگ چمپئن شپ 12 آن 15 نومبر کراچی وخت اس کہ 66 میکو نیشنل ٹریک سائیکلنگ چمپئن شپ 17 آن 20 دسمبر اسکان لاہور ٹی مریک۔ سید اظہر علی شاہ پارینے کہ بنجائی و صوبائی حکومت نا کنڈآن گوازی تا سرگرمی تے بحال کننگ آن پد نن اینخو سال 5 ایونٹس نا شیڈول جاری کرینے۔ او پارینے کہ جہانی دَین کورونا وائرس نا سوب آن نہ بیرہ ملکی معیشت زہمی مس وخت اس کہ گوازی تا سرگرمیک ہم زہمی مسنو۔ او کل ایونٹس آتیا معلومدار کرینے کہ او ایونٹس کن باقاعدہ ٹریننگ نا بنا ءِ کرے۔