بیسیمہ ٹی زمی جمب (زلزلہ) غان بھسکاری

بسیمہ (تلار حوالکار) بیسیمہ ٹی تدوک آ نن نا زمی جمب آن بھسکاری۔ سد آتا کچ اٹ اُرا تا دیوال آک تل مسر۔ زہمیک خوار مننگ اٹی ءُ۔
سرجم حوال آتاردا ٹ بسیمہ ٹی پنچ شنبے نا نن 3:40 آ زمی جمب نا بھلو لوڈو محسوس کننگا۔ زمی جمب ہندن ترند ئس کہ اُرا تا چھت و مش تیان تموک آ خل تا توار مر اسکان ہنا۔ علاقہ ٹی خلیس و بھیم اس تالان مس۔ مخلوق کلمہ طیبہ خوانسا اُرا تیان پیش تما۔
ننا حوالکار نا رد اٹ سیاہوزئی ٹی چار اُرا و زیک اٹی اسہ دیوال اس تمانے۔ و کیہی اُرا تا دیوال آک تل کرینو، ہرافتیٹی رہینگ انگ مفک۔ خوش بختی نا ہیت دادے کہ بیسیمہ ٹی باسنی نا دے تیٹی مخلوق کوٹھی تیان پیشن خاچک، ہرانا سوب آن جانی نسخان متنے۔ 

زمی جمب نا ہند تحصیل بسیمہ ساجد ، ترندی 4.7 و ڈغار اٹ کڑمبی تے 10 کلو میٹر ریکارڈ کننگانے۔