مہرگڑھ نا بلوچستان تینا ربیدہ ئی تہذیبی و رسم اتون آوار ساڑی ءِ‘پرویز صادق
Get real time updates directly on you device, subscribe now.
کوئٹہ (پ ر) بلوچستان قدرتی حوالہ اٹ اسہ متکن ءُ تہذیب اسے نا ڈیہہ ءِ‘ ہراڑے بولی‘ ادب‘دود و ربیدہ‘ تہذیب و تمدن و رسم و رواج نا امین بندغ آک رہینگرہ۔ مہرگڑھ نا بلوچستان تینا ربیدہ ئی تہذیبی و رسم اتون اوار ساڑی ءِ‘ داکان بیدس دا جاگہ نابندغ آک بولی‘ ادب دود ربیدہ‘ تہذیب و تمدن نا شونداری کن تینا جوان کڑد ءِ ادا کننگ اٹی ءُ۔داڑے ہندی بولی تے ٹی بلوچی براہوئی، پشتو و فارسی آن بیدس قومی زبان نا ادیب‘ شاعر‘ دانشور آک تینا وس انا کچ آ کاریم کننگ اٹی ءُ۔ دا خیال آتا درشانی ءِ ماہر آثار قدیمہ و سیکرٹری ادارہ تحقیق پاکستان پرویز صادق اکادمی ادبیات پاکستان کوئٹہ نا دورہ نا وخت آ کرے۔دا وخت آ ریجنل ڈائریکٹر اکادمی ادبیات پاکستان کوئٹہ افضل مراد‘ تربت یونیورسٹی نا وائس چانسلر پروفیسر ڈاکٹر عبدالرزاق صابر‘ چیئرمین براہوئی ادبی سوسائٹی عبدالقیوم بیدار‘ تجزیہ نگار، ادیب وشاعر نورخان محمدحسنی و بلوچی زبان نا ادیب محمدپناہ بلوچ و حمید جمال بلوچ ہم ساڑی ئس۔