کرونا وائرس نا توننگ نا اسٹ انگا کسر احتیاطی تدبیر ءِ، میر سکندر عمرانی

کوئٹہ(اے پی پی) صوبائی اسمبلی نا باسک و پارلیمانی سیکرٹری بلوچستان ڈویلپمنٹ اتھارٹی میر سکندر خان عمرانی پارینے کہ کروناوائرس مچ آ دنیا ٹی ترندی اٹ تالان مننگءِ ہراڑکن غٹ آن المی ءِ کہ نن احتیاطی تدبیر دوئی کین، احتیاطی تدبیر نبی نا سنت ہم ارے، وزیراعلیٰ بلوچستان جام کمال خان نا کماشی ٹی غٹ صوبائی کابینہ اواری اٹ الس نا فائدہ کن کاریم کننگ ءُ، صوبائی وزیر آک تینا تینا گچین کاری نا حلقہ غاتے ٹی محکمہ جان جوڑی تون اواری اٹ گچین وڑاٹ الس اٹی شعور آگاہی فراوان کننگ ءُ دنیا ٹی داوخت اسکان دا موذی وائرس نا درمان خننگتنے ولے احتیاط درمان آن جوان ءِ ننے احتیاطی تدابیرءِ تینا کرسا تینا و ایلوفتا زند آتے رکھ کروئی ءِ گڑاس خلقت ءِ کرونا وائرس آ تینا سیاست ءِ چمکائفنگ آن پاناد کروئی مریک سیاست کن مچ آ زند تموک ءِ ولے داسہ دا مشکل حالیت آتے ٹی اواری اٹ ننے غٹ ءِ الس نا گشیتر فائدہ غاتے ٹی کاریم کننگ نا سخت گرج ءِ۔