پاکستان نا ٹاپ پروفیشنل گوازی گر حمزہ اکبر ورلڈ اسنوکر چمپئن شپ اٹ بشخ ہلنگ آن محروم
Get real time updates directly on you device, subscribe now.
لاہور (مانیٹرنگ ڈیسک) پاکستان نا ٹاپ پروفیشنل اسنوکر گوازی گر حمزہ اکبر ویزہ ویل آتا سوب آن ورلڈ اسنوکر چمپئن شپ اٹ بشخ ہلنگ آن محروم مسنے۔ حوال نا رداٹ پاکستان نا 27 سال نا پروفیشنل اسنوکر گوازی گر ءِ تدوک آ دے ورلڈ اسنوکر چمپئن شپ نا کوالیفائر تیٹی بشخ ہلوئی ئس۔ شیفلڈ اٹ مروک آ ایونٹ اٹ حمزہ اکبر ءِ درو اولیکو میچ ءِ مراکش نا امین امیری نا برخلاف گوازی کروئی ئس و دا میچ اٹ بشخ ہلنگ ءِ پک کننگ کن اودے اینو انگلینڈ آ سر مروئی ئس ولدا ہم اودے ویزہ رسینگتو ہرانا سوب آن اودے ایونٹ آن دستبردار مروئی تما۔ حمزہ اکبر ءِ تدوک آ سال کیو اسکول اٹ ہشتمیکو پوزیشن ءِ دوئی کننگ نا سوب آن ورلڈ چمپئن شپ نا کوالیفائنگ راؤنڈ اٹ اوار کریسُس، کوالیفائی کننگ نا حالیت اٹ او 31 جولائی آن مین راؤنڈ اٹ بشخ ہلککہ۔ ایلو کنڈ آ ورلڈ اسنوکر ٹور و ورلڈ پروفیشنل بلیئرڈز اینڈ اسنوکر ایسوسی ایشن نا بیان اٹ پارینے کہ حمزہ اکبر نا ویزہ ءِ پک کننگ کن ہر وڑ نا کوشست کننگا ولے ہچ ءُُ فائدہ اس متو۔