پارٹی الس ءِ بنداوی آسراتی فراوان کننگ کن کوشست کننگ اٹی ءِ‘شازین بگٹی
Get real time updates directly on you device, subscribe now.
ڈیرہ بگٹی (آن لائن) جمہوری وطن پارٹی نا سروک و قومی اسمبلی نا باسک نوابزادہ شازین بگٹی پارینے کہ ننا پارٹی الس ءِ بنداوی آسراتی فراوان کننگ کن کوشست کننگ اٹی ءِ‘ نن ضلع ڈیرہ بگٹی نا باتی تے بے تعطل بجلی تون اوار غٹ آسراتی تے فراوان کننگ کن کوشست کننگ اٹی ان‘ او دا ہیت آتے تدوک آدے سوئی ٹی کیسکو چیف محمد عارف تون اوڑدہی ناوخت آکرے‘ دا وخت آ کیسکو چیف محمد عارف باور کرفے کہ الس ءِ بجلی نا فراوانی ٹی ہچ ڈیوالئی سگپنہ وخت اس کہ گریڈ اسٹیشن ناکاریم نا کچ ءِ 113غان ودفسا 226اسکان کننگک۔ نوابزادہ شازین بگٹی کیسکو چیف آن خواست کرے کہ باسنی ٹی سوئی تون اوار مچ آ ضلع ڈیرہ بگٹی نا الس ءِ بے تعطل آن بجلی نافراوانی ءِ پک کننگے۔ داوخت آ ایم این اے نوابزادہ شازین بگٹی ضلع ڈیرہ بگٹی آ بننگ والس ءِ مون تروک بجلی نا ویل آتے ایسر کننگ کن پبی گام گیج کننگ کن باور کرفنگ آ کیسکو چیف محمد عارف نا خصوصی منت ءِ ہرفے۔