سوراب نا الس نا شونداری کن گام گیج کننگ انگ ءِ‘میر نعمت زہری
Get real time updates directly on you device, subscribe now.
کوئٹہ (آن لائن) اللہ پاک نا فضل وکرم اٹ علاقہ ءِ شونداری نا کنڈآ روان کرینٹ‘ تینا بندغ آتا ویل آتے ایسر کننگ کن دے و نن کوشست کننگ اٹی اٹ‘ ہمو دے مُر اف ہراتم ہر بے روزگار ءِ روزگار رسینگک‘ کنا تعلقداری سوراب نا ہر ہمو بندغ تون ءِ ہرانا تعلقداری کنا حلقہ غان ءِ۔ دا خیال آتا درشانی ءِ ایم پی اے سوراب نوبزادہ میر نعمت اللہ خان زہری سوراب و گدر نا ڈل اتون ہیت وگپ کرسا کرے۔ ڈل اٹ مولوی عبدالحکیم مینگل، ملک جاوید نصیب مینگل، عبدالغنی وایلوفک اوار ئسر‘ ڈل اتون ہیت وگپ کرسا ایم پی اے سوراب نوبزادہ میر نعمت اللہ خان زہری پارے کہ کنے علاقہ نا ہر ویل انا سماءِ‘ او کنا مشن اٹ اوار ءُ‘ ای دے ونن تینا حلقہ نابندغ آتا خذمت ءِ کننگ اٹی اٹ و اوفتے شونداری تننگ کن گام گیج کننگ انگ ءِ‘ ہمو دے ہم ہراتم سوراب نا بے روزگار آتے روزگار رسینگک۔ داوخت آ نوابزادہ میر نعمت اللہ خان زہری تون میربشیر احمد ہارونی ہم ساڑی ئس۔