منشیات فروش آتا برخلاف بے فرق آن کارروائی کننگک‘حبیب اللہ نیچاری

قلات (فیض نیچاری) ایس ایچ او قلات سٹی حبیب اللہ نیچاری پارینے کہ منشیات فروش آک انسانیت نا دشمن ءُ‘ منشیات نا دھندہ نا ہرکس کہ زموار مس چاہے او اخس کہ واکدار مرے اونا برخلاف کارروائی کننگک۔ دا خیال آتادرشانی ءِ او پولیس تھانہ  ٹی صحافی فیض نیچاری تون ہیت وگپ کرسا کرے۔ او پارے کہ ہراتم ای ایس ایچ او قلات  نا چارج ءِ ہلکٹ ہم وخت آ منشیات فروش آتا برخلاف جنگ اناپڑو کریٹ دا جنگ آخریکو منشیات فروش نا دزگیری اسکان برجا سلک۔ او پارے کہ الس نا کمک اٹ نن قلات نا منشیات فروش آتے دزگیر کرسا بندی کرسا دا کلہو تسن کہ ہر کس کہ منشیات فروشی کرے او زندہ اٹ مریک۔ اوپارے کہ منشیات ورنا چین ءِ خورہ غانبار کننگ اٹی ءِ‘ دا ناسور نا چٹفنگ کن الس پولیس تون کمک کے تاکہ نن پین سرسہب مرین و دا ناسور آن الس ناجان چُٹے۔