گورنمنٹ بوائز ڈگری کالج گوادر اٹی پوسکن ءُ فٹسال گراؤنڈ اس تفنگا
بلوچستان اسپیشل ڈویلپمنٹ انیشی ایٹو پروگرام نا فیز ون نا رد اٹ گورنمنٹ بوائز ڈگری کالج گوادر اٹی 2 کروڑ 36 لکھ 36 ہزار روپئی نا خڑچ آن پوسکنوڑ فٹسال گراؤنڈ نا تفنگ پورو مسنے۔ دا ڈٹ ڈپٹی کمشنر گوادر نقیب اللہ کاکڑ نا خصوصی کوشست و ڈسٹرکٹ کوآرڈینیشن کمیٹی نا فیصلہ نا رد اٹ محکمہ مواصلات و تعمیرات، فزیکل پلاننگ اینڈ ہاؤسنگ حکومت بلوچستان نا چاروکی ٹی پورو کننگا۔ ڈٹ انا مسخت صوبائی حکومت نا ورنا تا مثبت سرجز، گوازی تا شون تننگ و تعلیمی ادارہ غاتیٹی گچین گوازی تا آسراتی تا فراوانی نا پالیسی ءِ عملی دروشم تننگ ءِ۔