پوسکن صوبہ مسخرا اس اف، کراچی نا روڈ آک دتر چر مریرہ، بلاول بھٹو

0

Get real time updates directly on you device, subscribe now.

کراچی، چیئرمین پیپلز پارٹی بلاول بھٹو زرداری پارینے کہ ننے سیاسی بیرہلوک کارروائی تا ریسہ ءِ چٹفوئی تمک۔ سیاسی بندی تے آجو کروئی مریک اینو آخا تو پگہ دادے مروئی ءِ۔ حکومت ءِ مولانا فضل الرحمن و پی ٹی آئی نا پت ءِ بحال کننگ نا کوشست کروئی تمک۔ مولانا نا پی ڈی ایم اٹی کڑد مفروسس تو نُم کڑسی آ سرمتویرے۔ سسٹم ءِ ری سیٹ کننگ ءِ تو پارلیمان آن اونا بنا کننگے۔ پوسکن آ صوبہ غاتے جوڑ کننگ مسخرا اس اف، زوراکی نا بشخ و پانٹ آن لس بندغ سلہہ ہرفک‘ کراچی نا روڈآک دتر چر مریرہ‘ ‘میٹ دی پریس’ آن تران کرسا بلاول پارے کہ میڈیا راج انا چیک اینڈ بیلنس ءِ، صحافیک ملک انا اصل واکدار ءُ، توار و قلم اٹی حکومت آتے جوڑ کننگ و شیف خلنگ نا واکداری ءِ۔ او پارے کہ شاید پاکستان نا تاریخ اٹی صحافی اخس نزور اینو ءِ داخس ہچ متنے ہندا سوب آن اودے ری سیٹ کروئی تمک تاکہ نم تون ہمو واکداری مرے ہرا نما حق ءِ، اگہ نمے راستکی تے پاش کننگ کن سجفوئی تمک تو میڈیا نا ادارہ چلینگ کپک، سیاستدان آک کڑد ادا کپس تو الس نا بنداوی ویل آک ایسری نا کنڈ آ ہنپسہ او پارے کہ کل آن مست ننے کانودی وڑ ءِ بحال کروئی مریک ہرادے نن گوہانن‘ کل آن مست میڈیا غان بنا کینہ۔

Get real time updates directly on you device, subscribe now.

Leave A Reply

Your email address will not be published.