مقبوضہ فلسطین نا حالیت انسانیت شکی گری نا سوب جوڑ مروک لپ اسے،ایرانی وزیر خارجہ

ای سی او ءِ جم گام گیج و علاقائی کمکاری نا بھرمی پلیٹ فارم اسے ٹی بدل کننگ کن گام گیج کروئی تمک، عباس عراقچی

0

Get real time updates directly on you device, subscribe now.

اسلام آباد، ایرانی وزیر خارجہ عباس عراقچی پارینے کہ امریکہ سفارت کاری نا جاگہ غا بیدادی، دھڑکو و اقتصادی زور شاغنگ نا کسر ءِ ہرفے، امریکہ نا گام گیج آک جہانی کانود و اقوامِ متحدہ نا چارٹر نا پاش خلاف ورزی ءُ۔ ای سی او ءِ جم گام گیج و علاقائی کمکاری نا بھرمی پلیٹ فارم اسے ٹی بدل کروئی تمک۔ ایران نا دفاعی گام گیج آتے ایلم ملک آتا حکومت یا الس نا برخلاف کارروائی گوندنگپ۔ ڈیہہ اٹی سلامتی کن بیداد مخالف و علاقائی کہول آ جم مذاکرات المی ءِ۔ مقبوضہ فلسطین نا حالیت انسانیت کن شکی گری نا سوب ءِ۔ جہانی برادری غزہ و دیکی کنج انا انسانی تنکی آ چپی ءِ بس کے۔ اسلام آباد اٹی ای سی او وزراء خارجہ کونسل نا دیوان آن تران کرسا ایرانی وزیر خارجہ عباس عراقچی پارے کہ نن ایران نا علاقائی سلامتی و الس آ جلہو تا مذمت کروک آ ملک آتا منت وار اُن۔ ایران نا سپریم لیڈر و ایلو بے گناہ شاری تا شہادت آ یکجہتی نا درشانی کروک آ ملک آتا منت وار اُن۔ ساڑی جہانی حالیت آتیٹی جم کمکاری و اسیجائی گام گیج آتا گرج مہالو آن ہم زیات ودانے۔ ای سی او ءِ جم گام گیج و علاقائی کمکاری نا بھرمی پلیٹ فارم اسے ٹی بدل کروئی تمک۔ واپار‘ ٹرانسپورٹ و توانائی ای سی او کمکاری نا مسہ اسٹریٹجک تمبہ مریر‘ علاقائی واپاری و توانائی کمکاری آن ڈیہہ انا اسیجائی واکداری و جندی سیبو ٹی ودکی مریک‘ ایرانی وزیر خارجہ پارے کہ نن ای سی او واپاری معاہدہ (ایکوٹا) اٹی اصلاحات کن ٹیکنیکی مذاکراتی کمیٹی جوڑ کننگ ءِ بخیر کینہ‘ ای سی او واپاری معاہدہ ءِ پوسکنوڑ‘ بھرمی و جم جوڑ کننگ کن مذاکرات المی ءِ۔ عباس عراقچی پارے کہ ایران تدوک آ اِرا سال آن سفارت کاری و پرامن ایسری کن کوشست آتے برجا تخا، امریکہ سفارت کاری نا جاگہ غا بیدادی، دھڑکو و اقتصادی زورشاغنگ نا کسر ءِ ہرفے۔

Get real time updates directly on you device, subscribe now.

Leave A Reply

Your email address will not be published.