پرائیویٹ بشخ اٹی زرکاری کن بینک آتا کڑد اہم ءِ، وزیر خزانہ
اسلام آباد، بنجائی وزیر خزانہ محمد اورنگزیب بینکاری بشخ آ زور شاغانے کہ او پاکستان اٹی زرگزرانی شونداری، زرکاری نا شون و پیداواری بشخ آتا مالی گرج آتے پورو کننگ کن تینا کڑد ءِ پین بھرمی جوڑ کیر، وخت اس کہ چنکا و نیامی کہول انا کاروبار، کشار، ہاؤسنگ و پی اے وی ای اسکیم نا رد اٹ وام تا فراوانی ٹی ودکی کننگے۔ بنجائی وزیر خزانہ محمد اورنگزیب تون حبیب بینک لمیٹڈ (ایچ بی ایل) نا صدر و چیف ایگزیکٹو آفیسر محمد ناصر سلیم نا کماشی ٹی ڈَل اس اوڑدہی کرے۔ اوڑدہی نا وخت آ ملکی زرگزرانی شونداری، زرکاری نا شون و پرائیویٹ بشخ ءِ مالی کمک فراوان کننگ تون تعلقدار چندی باندات آتیا جم گپ وتران کننگا۔ داوخت آ وزیر خزانہ پارے کہ بینک آک بایدے پیداواری بشخ آتیٹی زرکاری کن مالی وسیلہ غاتا فراوانی ٹی اہم ءُ کڑد اس ادا کیر۔