سگ و رواداری مدامگی امن، قومی یکجہتی و راجی سوگوی نا ضمانت ءِ،سردار ایاز صادق

میڈیا و راجی و تعلیمی ادارہ غاک سگ، رواداری و مثبت راجی رویہ غاتا مون آ دننگ اٹ اہم ءُ کڑد اس ادا کننگ کیرہ

0

Get real time updates directly on you device, subscribe now.

اسلام آباد، اسپیکر قومی اسمبلی سردار ایاز صادق پارینے کہ سگ، رواداری و تین پہ تینی شرف مہذب راج انا بنداوی قدر، مدامگی امن، قومی یکجہتی و راجی سوگوی نا ضمانت ءِ۔ قومی اسمبلی سیکرٹریٹ نا رداٹ داخیال آتا درشانی ءِ او سگ انا جہانی دے انا وخت آ تینا کلہو اٹی کرے، ہرا ہرسال 16 نومبر آ اڈتننگک۔ اوپارے کہ اختلاف آتے تحمل، گپ وتران و تین پہ تینی شرف نا کمک اٹ ایسر کننگ باشعور و ترقی پسند راج انا پجار ءِ۔ سردار ایاز صادق پارے کہ پاکستان مذہبی، دودوربیدہ ئی، لسانی و تہذیبی تنوع تخوک ءُ ملک اسے ہراڑے کل شاری تے آئین نا رداٹ بریبر حق و مذہبی و راجی آجوئی دوئی ءِ۔ اوپارے کہ اسہ ایلو نا عقیدہ، نظریہ و دودوربیدہ ئی روایت آتا شرف قومی ہم گرنچی و سیوت ءِ سوگو جوڑ کننگ کن المی ءِ۔ اوداہیت آ زور شاغا کہ راج آن تعصب، خار، بے سگی و انتہاپسندی نا چٹفنگ کن اجتماعی شعور و اسیجائی کوشست آتے مونی دروئی مریک۔ اسپیکر پارے کہ میڈیا و راجی و تعلیمی ادارہ غاک سگ، رواداری و مثبت راجی رویہ غاتا مونی دننگ اٹ اہم ءُ کڑد اس ادا کننگ کیرہ۔ اوپارے کہ ورناچین اٹی گپ وتران، سگ، تحمل، و ایلوفتا نقطہ نظر ءِ پہہ مننگ نالائخی ودی کننگ وخت انا اہم گرج ءِ۔ او ہندن ءُ راج اس ہراڑے ہر شاری ءِ تینا سلاہ نا درشانی، تینا شناخت ءِ برجا تخنگ و عزت و شرف تون زند ءِ تیر کننگ نا بریبر وارخواہی دوئی مرے، نا ٹہیفنگ کن اجتماعی کوشست آتا گرج آ زور شاغا۔

Get real time updates directly on you device, subscribe now.

Leave A Reply

Your email address will not be published.