اسحاق ڈار نا ازبک ہم منصب بختیار سیدوف تون ٹیلیفون آ حوال
Get real time updates directly on you device, subscribe now.
اسلام آباد، نائب وزیراعظم و وزیر خارجہ اسحاق ڈار ازبکستان نا وزیر خارجہ بختیار سیدوف تون ٹیل فون آ حوال کرے‘ ہراٹی ہڑتوم آ ملک آتا نیام اٹ تین پہ تینی کمکاری و ڈیہہ و جہانی باندات آتیا گپ وتران کننگا۔ ترجمان دفتر خارجہ نا رِد اٹ پاک ازبک وزیرخارج غاک شنگھائی کمکار تنظیم و اقتصادی کمکار تنظیم نا جتا فورم تیا پاکستان و ازبکستان نا نیام اٹ کمکاری نا بابت ہم گپ و تران کریر۔ ہڑتوم آ وزیر خارجہ غاک ڈیہہ انا اسیجائی اولیت آتا شون تننگ کن خڑک رابطہ کننگ نا اہمیت آ زور شاغسا پاکستان و ازبکستان نا تین پہ تینی تعلقداری تے پین سوگو کننگ نا ارادگی نا دوارگی ءِ کریر۔ ترجمان دفتر خارجہ نا رِد اٹ حوال اٹ ہڑتوم آ سرکڑدہ غاک تین پہ تینی استخواہی نا باندات آ پدریسہ حوالی مننگ آ ہم امنا کریر۔