گورنمنٹ بوائز ماڈل ہائی اسکول گوادر اٹی یومِ اقبال نا رد اٹ دود

گوادر، شاعرِ مشرق، مفکرِ پاکستان و بھلا فلسفی علامہ ڈاکٹر محمد اقبالؒ نا ودی دے آ گورنمنٹ بوائز ماڈل ہائی اسکول گوادر اٹی اسہ شرفدار ءُ دود اس اڈ ہلک، ہراٹی طالب علم استاد آک بشخ ہلکر۔ دود انا بنا تلاوتِ کلامِ پاک آن مس، وخت اس کہ نظامت نا زمواری تے مولانا رحمدل سر تس۔ داوخت آ طالب علم و اسکول نا پرنسپل عبدالمجید کے۔ بی۔ بلوچ علامہ اقبالؒ نا مچ آ شخصیت، فکر و فلسفہ، فنِ شاعری، ادبی و علمی خذمت و قومی و ملی فکر آ تینا خیال آتا درشانی ءِ کریر‘ ترانکار آک پاریر کہ علامہ اقبالؒ نا شاعری بیرہ لوز آتا مچی اس آخا بلکہ اسہ زندہ ءُ فکری تحریک اسے، ہرا ورنا چین اٹی خودی، خودداری، تینے آ پتداری‘ پدریسہ جہد و علم انا دوئی کننگ نا جوزہ ودی کیک۔