گورنمنٹ بوائز ماڈل ہائی اسکول تربت اٹی یومِ اقبال نا رد اٹ دود
Get real time updates directly on you device, subscribe now.
تربت، شاعرِ مشرق علامہ محمد اقبالؒ نا ودی دے انارد اٹ گورنمنٹ بوائز ماڈل ہائی اسکول تربت اٹی اسہ خصوصی ءُ دود اس اڈ ہلک، ہرانا کماشی ءِ اسکول نا پرنسپل اکبر اسماعیل کرے۔ دود اٹ استاد و طالب علم آک بھلو کچ اسے ٹی بشخ ہلکر۔ دود اٹ علامہ محمد اقبالؒ نا علمی و ادبی خذمت، فلسفہ خودی، فکری بصیرت و ورنا چین نا فکری و اخلاقی ہیلکاری نا بابت اونا فکر آ ہیت کریر۔ استاد و طالب علم آک تینا خیال آتا درشانی ءِ کرسا علامہ اقبالؒ نا شاعری و کلہو نا اہمیت ءِ پیدوار کریر۔ پروگرام اٹی طالب علم آک علامہ اقبالؒ نا گچین کلام آن شعر ہم بنفیر ہرافتے ٹیخودی، تینے آ پتداری‘ پدریسہ جہد، قومی بیداری کون آ سرحال آک نمان ئسر۔