کوئٹہ ٹی غیر کانودی رکشہ غاتا برخلاف کارروائی، 7 رکشہ بند
Get real time updates directly on you device, subscribe now.
کوئٹہ، سیکرٹری ٹرانسپورٹ بلوچستان و کمشنر کوئٹہ ڈویژن نا پارت آ سیکرٹری آر ٹی اے کوئٹہ شیردل خان بلوچ و ایس پی ٹریفک صدر سرکل عاصم شاہ نا چاروکی ٹی آر ٹی اے و ٹریفک پولیس نا اسیجائی ٹیم سی پیک چوک اسپنی روڈ آ خصوصی کارروائی کرسا ہفت کانود آن چَپ رکشہ بند کریر‘ کارروائی ناوخت آ رکشہ غاتا کاغد، رجسٹریشن و کمپیوٹرائزڈ نمبر پلیٹ نا جم جاچ ءِ ہلنگا۔دا وخت آ سیکرٹری آر ٹی اے پارے کہ شار اٹی ٹریفک نا نظام نا جوانی و الس نا آسراتی کن وس انا کچ آ گام گیج کننگ انگ ءِ‘ کوئٹہ شار اٹی بے روٹ پرمٹ، دروغ نا کاغد و بے آب رکشہ غاک نئے بیرہ ٹریفک نظام اٹی اڑاند نا سوب مریرہ بلکہ الس کن خواری تا ودی کننگ نا سوب ہم اریر۔