سرکاری تعلیمی ادارہ غاتا ویل آتا ایسری ءِ اولیت تننگک، شیے مختار بلوچ

گوادر، ڈسٹرکٹ کونسل گوادر نا چیئرمین شیے مختار بلوچ پارینے کہ سرکاری تعلیمی ادارہ غاتے مون تروک ویل آتا ایسری و طالب علم آتے بنداوی تعلیمی آسراتی تا فراوانی اولیکو اولیت ءِ، وخت اس کہ ڈسٹرکٹ آفیسر ایجوکیشن گوادر وہاب مجید تعلیمی ادارہ غاتا گرج آتے پورو کننگ کن تعلقدار کمامدار آتتون گچین گام گیج کننگ ناباور کرفینے‘ دا خیال آتا درشانی ءِ او وائس چیئرمین یونین کونسل ون گوادر در محمد نگوری تون اوار یونین کونسل نگور نا جتاجتا سرکاری اسکول آتا دورہ نا وخت آ کرے‘ ڈل گورنمنٹ بوائز ہائی اسکول گھٹی ڈھور، گورنمنٹ بوائز مڈل اسکول ڈگارو، گورنمنٹ گرلز پرائمری اسکول ڈگارو، گورنمنٹ گرلز پرائمری اسکول چھب ریکانی، گورنمنٹ بوائز مڈل اسکول چھب ریکانی و گورنمنٹ بوائز پرائمری اسکول زیارت مچھلی نا دورہ ءِ کرے۔