ڈسٹرکٹ چیئرمین گوادر نا رائز پروگرام نا دفتر نا دورہ

گوادر، ڈسٹرکٹ چیئرمین گوادر شئے مختار بلوچ بلوچستان رورل سپورٹ پروگرام نا رائز پروگرام نا دفتر نا دورہ ءِ کرے، ہراڑے او ڈسٹرکٹ پروگرام کوآرڈینیٹر زبیر ہوت تون اوڑدہی کرے۔ دا وخت آ زبیر ہوت اودے ضلع گوادر نا جتا یونین کونسل آتیٹی پروگرام نا رد اٹ برجا شونداری سرج، کمیونٹی ڈویلپمنٹ ڈٹ و سلاہ تروک گام گیج آتا بابت جم بریفنگ تس۔ ڈسٹرکٹ کونسل چیئرمین شیے مختار پروگرام نا سرجز آتا ستاءِ کرسا باور کرفے کہ ضلعی کہول آ دا گام گیج آتا گچین پوروی، السی اواری و ہندی کمیونٹی تا کمکاری کن ہر وڑ انا کمک فراوان کننگک۔ او زور شاغا کہ شونداری ڈٹ آتا ڈٹ بندی و عملدرآمد اٹی ہندی آبادی، کمیونٹی نمائندہ و تعلقدار علاقہ غاتا فائدہ ہرفوک آ بندغ آتے سلاہ ٹی ہلنگے۔