جامعہ گوادر و فاسٹ نیشنل یونیورسٹی کراچی کیمپس نا نیام اٹ معاہدہ
Get real time updates directly on you device, subscribe now.
گوادر، جامعہ گوادر و نیشنل یونیورسٹی آف کمپیوٹر اینڈ ایمرجنگ سائنسز (فاسٹ نیشنل یونیورسٹی) کراچی کیمپس نا نیام اٹ کمپیوٹر سائنس، انفارمیشن ٹیکنالوجی، آرٹیفیشل انٹیلی جنس، ڈیٹا سائنس و پوسکنوڑ ٹیکنالوجی نا بشخ آتیٹی تعلیمی و پٹ وپولی کمکاری نا شون اکن مفاہمتی یادداشت نا مسودہ غا دستخط کننگا۔ دا وخت آ فاسٹ نیشنل یونیورسٹی کراچی کیمپس نا ڈائریکٹر پروفیسر ڈاکٹر ذوالفقار میمن تینا جامعہ نا کنڈ آن وخت اس کہ جامعہ گوادر نا چیئرپرسن شعبہ کمپیوٹر سائنس حفیظ اللہ تینا جامعہ نا نمائندگی ءِ کرسا دستخط کریر۔ مفاہمتی یادداشت نا رد اٹ ہڑتوم آ جامعہ غاک نصاب نا گچینی‘ تعلیمی پروگرام تا آب و ایکریڈیٹیشن، اسیجائی پٹ وپولی ڈٹ، فیکلٹی ڈویلپمنٹ، استاد و طالب علم آتا بدلی وتعیناتی‘ انٹرن شپ، ہیلکاری پروگرام‘ ورکشاپ و پوسکنوڑ پٹ وپولی آسراتی تیان فائدہ ہرفنگ کن تین پہ تینی کمکاری کیرہ۔