ڈپٹی کمشنر دکی فضل الرحمن کبدانی نا ڈسٹرکٹ ہیڈ کوارٹر ہسپتال نا دورہ

دکی، ڈپٹی کمشنر دکی فضل الرحمن کبدانی ڈسٹرکٹ ہیڈ کوارٹر ہسپتال دکی نا دورہ ءِ کرے، ہراڑے او ہسپتال نا جتاجتا بشخ آتا جم دورہ ءِ و طبی آسراتی تا فراوانی، ڈاکٹر و طبی کارندہ غاتا حاضری و ایلو انتظامی باندات آتا جاچ ءِ ہلک۔ دا وخت آ ڈپٹی کمشنر ہسپتال نا جتا جتا وارڈ و بشخ آتا دورہ ءِ کرسا طبی کارندہ غاتا حاضری ءِ چیک کرے و ناجوڑ آتے فراوان کروک طبی آسراتی تا آب انا جاچ ءِ ہلک۔ او ہسپتال نا انتظامی و طبی باندات تون تعلقدار کمامدار آتیاں بریفنگ ہم ہلک۔ ڈپٹی کمشنر بلوچستان اسٹرکچرل ڈویلپمنٹ اینڈ امپروومنت (بی ایس ڈی آئی) پروگرام نا رد اٹ تفنگ و پوروی نا ریسہ غاتیان گدرینگوک آ پوسکنوڑ آپریشن تھیٹر نا ہم جاچ ءِ ہلک و تفوئی و پورو مروک کاریم تا جاچ ءِ ہلک۔