صوبائی اسمبلی نا باسک مولانا ہدایت الرحمن بلوچ ڈسٹرکٹ ایجوکیشن آفیسر گوادر زاہد بلوچ تون اوار گورنمنٹ گرلز ہائی اسکول سربندن نا دورہ ءِ کرے

گوادر، صوبائی اسمبلی نا باسک مولانا ہدایت الرحمن بلوچ ڈسٹرکٹ ایجوکیشن آفیسر گوادر زاہد بلوچ تون اوار گورنمنٹ گرلز ہائی اسکول سربندن نا دورہ ءِ کرے، ہراڑے او تعلیمی چاگڑد، تدریسی سرجز و دوئیی بنداوی آسراتی تا جاچ ءِ ہلک۔ او اسکول اٹی بجلی نا مفننگ‘ پنکھہ غاتا کمتی و خرابی، ڈیسک و ایلو المی تعلیمی آسراتی تا کاختی تون اوار استاد آتا کمتی و تدریسی باندات تون تعلقدار ویل آتا جاچ ءِ ہلک۔ مولانا ہدایت الرحمن بلوچ ڈی ای او گوادر ءِ پارت کرے کہ اسکول ءِ مون تروک ویل آتا ایسری کن دمدستی و گچین گام گیج کننگے و مسڑ طالب علم آتے گچین تعلیمی چاگڑد، المی آسراتی تا و آب اٹو تدریس نا فراوانی ءِ پک کننگے تاکہ اوفتا تعلیمی سرجز زہمی مف۔ دا وخت آ ڈی ای او زاہد بلوچ باور کرفے کہ اسکول اٹی نشاندہی کروک ویل آتے اولیتی بنداو آ ایسر کننگ و تعلیمی آسراتی تا گچینی کن المی گام گیج کننگک۔