ڈی سی صحبت پور نا کماشی ٹی ڈسٹرکٹ انٹیلی جنس کوآرڈینیشن کمیٹی نا دیوان

صحبت پور، ڈسٹرکٹ انٹیلی جنس کوآرڈینیشن کمیٹی نا دیوان ڈپٹی کمشنر صحبت پور فریدہ ترین نا کماشی ٹی اڈ ہلک، دیوان اٹی مچ آ ضلع نا جم امن و امان نا حالیت، سیکورٹی بست وبند و امن و سوگویءِ برجا تخنگ تون تعلقدار باندات آتا اجم جاچ ءِ ہلنگا۔ دا وخت آ تعلقدار ادارہ غاتا افسرآک تینا تینا محکمہ غاتا کارکڑدو سیکورٹی گام گیج آتا بابت بریفنگ تسر۔ ڈپٹی کمشنر فریدہ ترین پارے کہ ضلع ٹی امن و الس نا جان و مال انا رکھ ضلعی انتظامیہ نا اولیکو اولیت ءِ، کل تعلقدار ادارہ غاک تین پہ تینی رابطہ و گچین حکمت عملی نا رد اٹ تینا زمواری تے سرایتر۔ ہر وڑ انا گمانی بے چیٹی حالیت آتتون مون تننگ کن پیشگی گام گیج ءِ پک کننگے و شکبر سرجز آتیا سخت نظرتخنگے۔ او تعلقدار افسر آتے پارت کرے کہ امن وایمنی نا حالیت ءِ پین گچین جوڑ کننگ و الس نا رکھ اکن کل دوئی وسیلہ غاتے کاریم اٹ اتنگک۔