لاہور اٹی مسہ ملکی سیریز نا فائنل، پاکستان سری لنکا ءِ 3 وکٹ اٹ کٹا

لاہور، پاکستان، سری لنکا و انگلینڈ نا نیام اٹی مسہ ملکی سیریز نا فائنل میچ اٹی پاکستان سری لنکا ءِ 3 وکٹ اٹ کٹا، نا قذافی اسٹیڈیم اٹی گوازی کروک آ میچ اٹی پاکستان سری لنکا نا برخلاف ٹاس کٹسا اول بولنگ کننگ نا فیصلہ کرے؛ سری لنکا اول گوازی کرسا مقررہ 50 اوور اٹی 8 وکٹ آ 325 رنز اسکور کرے؛ سری لنکا نا کنڈ آن کمیندو مینڈس 131 رنز نا اننگز گوازی کرے، اونا اننگز اٹی 12 چوکا و 2 چھکا اوار ئسر، پون رتنائیکے 77 و اوشکا فرنانڈو 38 رنز اسکور کریر؛ پاکستان نا کنڈ آن سلمان آغا، شاہین آفریدی، حارث رؤف و نسیم شاہ اِرا اِرا گوازی گر آؤٹ کریر؛ پاکستان 326 رنز نا ہدف ءِ 49 می اوور اٹی 7 وکٹ تا نسخان آ دوئی کرے، دا وڑ پاکستان فائنل میچ کٹسا چیمپئن جوڑ مس۔