طالب علم سیاست آ رکھ و فیس آتیٹی ودکی ءِ منپنہ، حکمت اللہ
Get real time updates directly on you device, subscribe now.
کوئٹہ، جمعیت طلباء اسلام بلوچستان نا صوبائی صدر حکمت اللہ طالب علم سیاست آ رکھ‘ سمسٹر و ایلو فیس آتیٹی ودکی نا مذمت ءِ کرسا پارینے کہ صوبائی حکومت تعلیمی ادارہ غاتیٹی طالب علم آتے تروک آجوئی ءِ توننگ کن چٹھی جاری کرسا رکھ خلنگ اٹی ءِ نن خواست کینہ کہ طالب علم سیاست نا کسر اٹی ساڑی اڑاند آتے مر کرسا سندھ حکومت نا وڑ بل پاس کرسا طالب علم آتے سیاست نا آجوئی تننگے۔ دا خیال آتا درشانی ءِ او شنبے نا دے کوئٹہ پریس کلب اٹی پریس کانفرنس کرسا کرے‘ دا وخت آ ایلو طالب علم آک ہم ساڑی ئسر۔ او پارے کہ محکمہ تعلیم مراسلہ نا کمک اٹ کل تعلیمی ادارہ غاتیٹی طالب علم آتیا سیاست نا درگہ غاتے بند کرینے۔