ملکی زرگزرانی وتواجہی کن پرائیویٹ بشخ ءِ ہم کڑد ادا کروئی تمک،پروفیسر احسن اقبال
تین پہ تینی شریداری و پوسکنی نا مون آ دننگ نا کمک اٹ ملکی برآمد آتیٹی ودکی کن ہم مونی بروئی تمک تا
Get real time updates directly on you device, subscribe now.
اسلام آباد، بنجائی وزیر ڈٹ بندی، شونداری و خصوصی گام گیج پروفیسر احسن اقبال پارینے کہ آزمائشت و جہانی تنکی تا دور اٹی ہموقومک شون ہلیرہ ہرا خطرہ غاتے وارخواہی تیٹی بدل کننگ نا لائخی تخرہ، پاکستان ءِ زرگزرانی وتواجہی نا مزل اسکان سر کننگ کن پرائیویٹ بشخ ءِ نیٹ ورکنگ، تین پہ تینی شریداری و پوسکنوڑی نا مونی دننگ نا کمک اٹ ملکی برآمد آتیٹی ودکی کن تینا کڑد ءِ ادا کروئی مریک۔ او دا خیال آتادرشانی ءِ سی ای او کلب پاکستان و ورلڈ سی ای او فورم نا کنڈآن اڈ ہلوک ملک انا اہم کارپوریٹ کانفرنس ”سی ای او سمٹ 2026“ آن تران کرسا کرے۔ کانفرنس اٹی 500 آن زیات کاروباری راہشون، چیف ایگزیکٹو، جہانی زرکار، درملکی سفارتکار و زالبول کاروباری شخصیت آک بشخ ہلکرو زرگزرانی وتواجہی نا ارادگی نا درشانی ءِ کریر۔ بنجائی وزیر پارے کہ وزیراعظم محمد شہباز شریف نا بصیرت و فیلڈ مارشل عاصم منیر نا کماشی ٹی پاکستان زرگزرانی ڈیفالٹ نا خطرہ غا تامون ءِ تورے و تینا دفاع ءِ سوگو کرے، داسہ گرج داہیت اناءِ کہ ملک زرگزرانی پڑآ ہم سوگو بنداوتیا مون آ کاہے و قومی شونداری کن دوئی وارخواہی تیان پبی فائدہ ہرفے۔ او پرائیویٹ بشخ آ زور شاغاکہ او کاروباری رابطہ غاتیٹی ودکی، زرکاری نا پوسکن وارخواہی، تین پہ تینی کمکاری نا مونی دننگ و پوسکنوڑی آ تالان گام گیج آتا کمک اٹ ملکی زرگزران ءِ سوگو جوڑ کننگ اٹ فعال کردار ادا کے۔ پروفیسر احسن اقبال پارے کہ برآمد آتیٹی ودکی پاکستان نا مدامگی زرگزرانی شونداری و وتواجہی نا دوئی کننگ کن اہم اہمیت تخک۔ کانفرنس اٹی ملکی زرگزران اٹی قابلِ قدر کڑد ادا کروک کاروباری راہشون تے سی ای او ایوارڈز تننگا ہرانا مسخت کاروباری سرکڑدہ و زرگزرانی شونداری ٹی نمان خذمت آتا ستاءِ کننگ ئس۔