بھارت نا کاٹم خواجہی ٹی کروک دہشت گرد تنظیم آتا برخلاف مہم برجا سلک،فیلڈ مارشل سید عاصم منیر

راولپنڈی، چیف آف آرمی اسٹاف و چیف آف ڈیفنس فورسز فیلڈ مارشل سید عاصم منیر سوگو ارادگی نا درشانی ءِ کرسا پارینے کہ بھارت نا کٹم خواجہی ٹی کاریم کروک دہشت گرد تنظیم آتا برخلاف مہم ءِ پورو واک اتون برجاتخنگک و دہشت گرد آک ہراڑے کہ مریر اوفتے پبی و سخت دَک خلنگک۔ آئی ایس پی آر نا رداٹ فیلڈ مارشل سید عاصم منیر کور ہیڈ کوارٹرز پشاور نا دورہ ءِ کرے۔ دا وخت آ اودے ساڑی سیکورٹی حالیت، برجا دہشت گردی تور انا برخلاف کارروائی، بارڈر مینجمنٹ نا گام گیج و صوبہ ٹی تعینات فارمیشن آتا آپریشنل تیاری تیاحوال تننگا۔ فیلڈ مارشل آفیسرو ورناتا بڑز کو کہولی جیرت وکسبی چاہنداری نا ستاءِ کرسا اوفتے خطرہ غاتا گچین توننگ کن ہشار سلنگ وآپریشنل تیاری تا بڑزکو آب ءِ برجا تخنگ نا پارت کرے۔ او دا ہیت آ زورشاغاکہ نن بھارت نا کاٹم خواجہی ٹی کاریم کروک دہشت گرد تنظیم آتابرخلاف مہم ءِ پورو واکداری اٹ برجاتخنہ و او ہراڑے کہ مریر، اوفتے پبی ءُ دَک خلینہ۔ سکیورٹی فورس آتاشہید و غازی تتون اوار پاکستان نا الس نا قربانی تے خراج تحسین پیش کرسا آرمی چیف و چیف آف ڈیفنس فورسز دا ارادگی نا درشانی ءِ کرے کہ الس نا بدل مفروک مخ تفی اٹ پاکستان دہشتگرد و اوفتا گمراہ کن نظریہ ءِ پورو وڑ اٹ بے سہب کیک۔ کور ہیڈ کوارٹرز آبننگ آ کمانڈر پشاور کور آرمی چیف و چیف آف ڈیفنس فورسز ءِ بخیرکرے۔