صدر وزیر اعظم نا چین اٹی زمی جمب آن جانی نسخان تیا است ہسونی

اسلام آباد، وزیراعظم محمد شہباز شریف چین نا وتواجہ علاقہ ناگکو (ژیژانگ) اٹی زمی جمب آن جانی نسخان تیا است ہسونی نا درشانی ءِ کرینے۔ جمعہ نا دے آ ایکس آ تینا کلہو اٹ وزیر اعظم پارے کہ او پاکستان نا حکومت و الس نا کنڈآن چین نا صدر شی جن پنگ، تینا چینی ایلم و ایڑھ خاص وڑ اٹ زمی جمب اٹی جانی و مالی نسخان تتون مون تروک خاہوت آتتون ہڑزخواہی و ٹھپی تا زوت دراخ جوڑی کن دعا کیک۔ وزیر اعظم پارے کہ پاکستان مشکل نا داساہت اٹی تینا چینی ایلم و ایڑھ تتون پورویکجہتی اٹ سلوک ءِ و اوفتا ہر وڑ اٹ کمک کن تیار ءِ۔ صدرمملکت آصف علی زرداری چین نا وتواجہ علاقہ ناگکوژیزانگ اٹی زمی جمب آن جانی نسخان تیا است ہسونی نا درشانی ءِ کرینے۔ جمعہ نا دے آایکس آ کلہواٹی صدرمملکت چین نا صدر شی جن پنگ، زمی جمب اٹی جانی و مالی نسخان تتون مون تروک خاہوت و چینی الس تون ہڑزخواہی کرینے۔ صدرمملکت چین اتون پاکستان نا یکجہتی نا ارادگی نا درشانی کرسا ٹھپی مروک آتا زوت دراخ جوڑی کن دعاکرے۔