اسسٹنٹ کمشنر رکھنی فہد حسین عمرانی نا نت انا دکان تا اناگت دورہ

رکھنی، ڈپٹی کمشنر بارکھان سعیدالرحمن کاکڑ نا پارت آ اسسٹنٹ کمشنر رکھنی فہد حسین عمرانی نُت انا دکان تا اناگت دورہ ءِ کرے۔ چیکنگ نا وخت آ ناپ تول اٹی کمتی خننگ آ تعلقدار دکاندار آتے ڈنڈ کننگا۔ دا وخت آ اسسٹنٹ کمشنر رکھنی دکاندار تے پارت کرے کہ او نُت انا بہا کننگ اٹی پک وزن و ناپ تول نا اصول آتیا عمل کیر و الس تون ہچ وڑ انا بے انصافی کپس۔ او پیدوار کرے کہ ناپ تول اٹی کمتی و الس ءِ نسخان رسیفنگ نا اسہ کوشست اسے ہم سگنگ مفک۔ آخبت اٹی خلاف ورزی کروک دکاندار تا برخلاف سخت کانودی کارروائی کننگک۔ ضلعی انتظامیہ بارکھان الس ءِ آب اٹو کنوئی آگڑاتا پک وزن اٹ فراوانی ءِ پک کننگ کن چیکنگ نا عمل ءِ برجا تخک۔