صدر زرداری نا دورہ جرمنی، جرمن وزارت دفاع ٹی گارڈ آف آنر پیش
Get real time updates directly on you device, subscribe now.
برلن، صدرِ مملکت آصف علی زرداری نا شرف اٹی جرمن وزارت دفاع اٹی بیابخیری دود اڈہلک ہراڑے جرمنی نا صدر فرینک والٹر شٹائن مائر اودے بخیر کرے داوخت آ صدرِ پاکستان ءِ گارڈ آف آنر ہم پیش کننگا۔ صدر آصف علی زرداری جرمن صدر فرینک والٹر شٹائن مائر نا سلہ غا جرمنی نا دورہ غاٹے۔ دا دورہ پاکستان و جرمنی نا تعلقداری تا رد اٹ خصوصی اہمیت تخک انتئے کہ فراوان کروک معلومداری تا رد اٹ تدوک آ 23 سال اٹی پاکستانی صدر اسے نا دا اولیکو دورہ جرمنی ءِ۔ برجا سال پاکستان و جرمنی تینا سفارتی تعلقداری تا 75 می سال دے اڈتننگ اٹی ءُ، ہرا ہڑتوم آ ملک آتا متکن آ تعلقداری تا درشانی ءِ کیک۔ دورہ ٹی صدرِ مملکت بڑزکو کہولی پاکستانی ڈل اتون اوار جرمن صدر و بڑزکو حکومتی عہدیدار آتتون اوڑدہی کیک۔