گوادر کارروائی سیکورٹی فورس آتا لائخی نا شاہدی ءِ، میر ضیاء اللہ لانگو

کوئٹہ، صوبائی وزیر داخلہ بلوچستان میر ضیاء اللہ لانگو گوادر اٹی دہشتگرد آتا جلہو ءِ بے سہب کننگ و 7 دہشتگرد ءِ خلنگ آ سیکورٹی فورس آتے خراجِ تحسین پیش کرینے۔ تینا اسہ جاری کروک آ بیان اسے ٹی وزیر داخلہ پارے کہ گوادر اٹی بہادر ورناک وخت آ و گچین کارروائی کرسا دشمن نا پراگندہ ارادہ غاتے مِش تا کریر، ہرا سیکورٹی فورس آتا بڑزکو کسبی لائخی تا پاش شاہدی ءِ۔ او پارے کہ بلوچستان نا امن، سوگوی و زرگزرانی شونداری ءِ لتاڑ کروک آ سازش آتے ہچ گہس سرسہب مننگ کن الیپنہ۔ میر ضیاء اللہ لانگو مستی پارے کہ دہشت گردی نا برخلاف جنگ اٹی سیکورٹی فورس آتا قربانیک مچ آ قوم اکن گمر ناسوب ءُ۔ بلوچستان نا الس و سیکورٹی فورس آک اواری اٹ دا ناچوڑ نا چٹفرہ و شونداری ڈٹ آتیا برجا کاریم ءِ امرکہ مرے برجا تخنگک۔