اگہ تحریک انصاف دہشت گرد آتا مون اٹ سلپک، تو پیپلز پارٹی تیار ءِ،بلاول بھٹو زرداری

کراچی، چیئرمین پیپلز پارٹی بلاول بھٹو زرداری پارینے کہ وزیراعلیٰ خیبرپختونخوا لغور اس ئس، سہیل آفریدی دہشت گرد آتتون جنگ کننگ آن نمن مس‘ اگہ تحریک انصاف دہشت گرد آتا مون اٹ سلنگ کن سنبرینگوک اف تو پیپلزپارٹی سنبرینگوک ءِ۔ کراچی ٹی سانحہ کارساز نا شہید آتا یات اٹ دود انا وخت آ میڈیا تون ہیت وگپ کرسا چیئرمین پیپلز پارٹی بلاول بھٹو زرداری پارے کہ تحریک انصاف اوغانستان آن دہشتگرد آتے پاکستان اٹ بٹنگا، جیل آتیان دہشت گرد آتے یلہ کرے، اینو ملک ہندا رد انگا فیصلہ غاتا نسخان ءِ ہرفنگ اٹی ءِ۔ بلاول پارے کہ ننا مجبوری ئس دہشت گردی نا سوب آن ایمرجنسی خلوئی تما‘ مولانا فضل الرحمان دا ہیت آن نمن مننگ کپک کہ بلوچستان و خیبرپختونخوا ٹی دہشت گردی مننگ اٹی ءِ ولے اسہ صوبہ نا وزیراعلیٰ بنجا تون کمک کن سنبرینگوک اَلوکہ، مولانا بایدے دہشتگرد آتا پاش وڑ اٹ مذمت ءِ کے، پاکستان نا اسہ بشخ اٹ ہم کس ءِ ہم پاکستانی بیرک ءِ بے شرف کننگ نا موکل تننگپک۔ نن کل اوار مرسا دہشتگرد آتا مون آ سلنہ‘ ملک انا سلامتی کن ننا بہادر فوج قربانی تننگ اٹی ءِ‘ دہشت گردی نا برخلاف جنگ برجا سلک، دہشتگرد آتے چٹفنگک۔ بلاول پارے کہ دہشت گردی نا مون آ سلنگ ننا اولیت ءِ، اونا برخلاف حکومت و اپوزیشن ءِ اوار مرسا کڑد ادا کروئی تمک، مولانا فضل الرحمان دہشت گردی نا چٹفنگ کن تینا کڑد ءِ ادا کننگ کیک، اپوزیشن اگہ واقعی دہشتگرد آتا و ایمرجنسی نا چٹفنگ خواہک تو برے و ہیت کے۔ او پارے کہ محسن نقوی ءِ سما ءِ کہ صوبہ غاتا بابت صدر آصف زرداری و پیپلز پارٹی نا موقف انت ءِ، صدرِ مملکت نا دستخط آن بیدس دا کاریم مفک، پیپلز پارٹی نا موقف پیدوار ءِ کہ آئینی و کانودی وڑ اٹ صوبہ ٹہیفنگ مریک اگہ صوبائی اسمبلی خواہے کہ اوڑے صوبہ جوڑ مرے تو صوبہ جوڑ مننگ کیک‘ ہراڑے امنائی ساڑی ءِ اوڑے صوبہ انتئے جوڑ مفننگ ءِ‘ گلگت بلتستان اٹی اُرا اُرا ٹی دا خواست مننگ اٹی ءِ کہ اودے صوبہ نا درجہ تننگے۔ او پارے کہ مولانا فضل الرحمان نا حق ءِ کہ او حکومت نا پالیسی آ تنقید کے، پیپلزپارٹی مدام آئینی و کانودی وڑ اٹ ایمرجنسی خلکنے، نن حکومت اٹی افن ولے تینا منشور نا رِد اٹ ڈلیور کننگ نا کوشست کننگ اٹی اُن، حکومت و اپوزیشن مولانا فضل الرحمان نا بھاز شرف ءِ کیرہ، مولانا فضل الرحمان دہشت گردی نا چٹفنگ و گورنر راج اکن تینا کڑد ءِ ادا کننگ کیک۔