چیف الیکٹورل کمشنر نا تقرری کن اپوزیشن لیڈر آ 2 چٹھی نوشتہ کننگانے، رانا ثناء اللہ

اسلام آباد، وزیراعظم نا سلاہکار رانا ثناء اللہ پارینے کہ وزیراعظم چیف الیکشن کمشنر و باسک آتا تقرری کن اپوزیشن لیڈر ءِ اِرا چٹھی نوشتہ کرینے، داسہ ورندی کن ہننگ اٹی اُن، اپوزیشن لیڈر پاہے کہ وزیراعظم تون اوڑدہی کن ہراتم بریک؟ اسہ بیان اسے ٹی او پارے کہ ایمرجنسی پدی ہلنگ نا شڑت آ پی ٹی آئی تون مذاکرات مننگ کپک، پی ٹی آئی دہشت گردی نا برخلاف جنگ اٹی کمک کے تو ہیت مننگ کیک۔ رانا ثناء اللہ پارے کہ وزیراعظم و اپوزیشن لیڈر نا اوڑدہی نا ہچ ءُ مسٹمیکو ہند اس اف، اوڑدہی وزیراعظم ہاؤس اٹی مریک‘ حکومت محمود خان اچکزئی نا وزیراعظم تون اوڑدہی کن مسٹمیکو جاگہ پن کننگ نا شڑت ءِ مسترد کرینے، خیبرپختونخوا ٹی ایمرجنسی پدی ہلنگ نا شڑت آ ہم پی ٹی آئی تون مذاکرات کننگ آن نمن مسنے۔