سعودی عرب اٹی مصری فوج انا تعیناتی نا تیاری، قومی دفاعی کونسل نا منظوری
Get real time updates directly on you device, subscribe now.
قاہرہ، مصر انا قومی دفاعی کونسل سعودی عرب اٹی دفاعی مشن کن فوج راہی کننگ نا منظوری تسنے۔ مصری پارلیمنٹ نا اسہ باسک اسے نا رِد اٹ فوجی تعیناتی و اونا مشن نا منظوری ءِ صدر عبدالفتاح السیسی نا کماشی ٹی مروک آ دیوان اٹی تننگا۔ گلف نیوز نا رِد اٹ مصری ایوانِ نمائندگان نا باسک مصطفیٰ بکری یک شنبے نادے سوشل میڈیا پلیٹ فارم ایکس آ پارے کہ قومی دفاعی کونسل سعودی عرب اٹی فوج راہی کننگ و ہموڑے اونا زمواری تا منظوری تسنے۔ رپورٹ نا رِد اٹ فوجی تعیناتی نا باندات آ سجفنگ کن مصری پارلیمنٹ نا ہلہلہ ئی دیوان ہم یک شنبے 18 اکتوبر آ نیمروچ 1 بجہ غا قاہرہ نا ہندی وخت انا رِد اٹ بٹنگاسس۔ دا پیشرفت ہمو وخت آ مون آ بسنے ہراتم سعودی عرب ءِ ڈیہہ اٹی سیکورٹی چیلنج آک مون تروک ءُ۔