سانحہ کارساز نا شہید آتا قربانیک تاریخ نا روشنا ءُ کسر اسے ءُ، صدر زرداری
Get real time updates directly on you device, subscribe now.
اسلام آباد، صدر آصف علی زرداری پارینے کہ سانحہ کارساز نا شہید آتا قربانیک پاکستان نا قومی تاریخ نا روشنا ءُ باب اسے ءُ، شہید آتا قربانیک دہشت گردی و انتہا پسندی نا چٹفنگ نا ارادگی ءِ پین سوگو کیرہ۔ سانحہ کارساز آ کلہو اٹی صدر آصف علی زرداری شہید آتے خراجِ عقیدت پیش کرسا پارے کہ سانحہ کارساز نا شہید آتا قربانیک پاکستان نا قومی تاریخ نا روشنا ءُ باب اسے ءُ۔ شہید بینظیر بھٹو جان ءِ مون تروک گڑتی تیان پد ہم سوگو سلیس۔ اونا جیرت و قربانی جموریت، امن و انصاف نا کماشی کروک آتیکن کسر نا ڈیوا ءِ۔ صدر زرداری پارے کہ آئین نا بالادستی، الس نا حکمرانی و جمہوری اقدار تا رکھ سانحہ کارساز نا شہید آتا خواست ءِ۔ سانحہ کارساز نا شہید آتا قربانیک دہشت گردی و انتہا پسندی نا ارادگی ءِ پین سوگو کیرہ۔ صدرِ مملکت سانحہ کارساز نا شہید آتا درجہ غاتا بڑزی و پدخاہوت آتے کن صبر و استقامت نا دعا کرے و پارے کہ سانحہ کارساز نا شہید آتا قربانیک بروک آ چین تیکن پرامن، جمہوری و شوندار پاکستان نا جوڑ کننگ نا ارادگی نا بن چُکل مریرہ۔