آپریشن ردالفتنہ 3،مستونگ و واشک اٹ کارروائی، 7 دہشتگرد خلنگار،آئی ایس پی آر

راولپنڈی، سیکورٹی فورس آک بلوچستان اٹ برجا آپریشن ردالفتنہ 3 نا رداٹ ضلع مستونگ اٹ انٹیلی جنس بیسڈ آپریشن کرسا 2 دہشت گرد دوزخی کریر۔ سیکورٹی حوالی نا رداٹ ضلع مستونگ نا علاقہ پڑنگ آباد نا خڑک آ سیکورٹی فورس آک فتنہ الہندوستان تون تعلقداردہشت گرد آتا ہن و بر آ وخت آ و گچین کارروائی کریر ہراٹی ہڑتوم آ دہشت گرد آک خلنگار۔ سیکورٹی حوالی نا رد فورس آک صوبہ ٹی دہشت گردی نا پورو چٹفنگ اسکان کارروائی تے برجاء تخنگ کن سنبرینگوک ءُ۔ داکان بیدس سیکورٹی فورس آک بلوچستان نا ضلع واشک اٹ بھارتی پراکسی “فتنہ الہندوستان” نا برخلاف وخت آ و فیصلہ ئی انٹیلی جنس بیسڈ آپریشن کرسا دہشت گرد آتا جاگہ غاتے بھس و 5 دہشت گرد ءِ دوزخی کریر۔ آئی ایس پی آر نا رداٹ 12 و 13 اکتوبر 2026 نا نیامی نن سیکورٹی فورس آک بلوچستان نا ضلع واشک اٹ بھارتی پراکسی “فتنہ الہندوستان” تون تعلقدار دہشت گرد آتا ساڑی مننگ نا حوال آ انٹیلی جنس نا بنداو آ اسہ آپریشن اس کریر۔ آپریشن نا وخت آ سیکورٹی فورس آک وخت آ و فیصلہ ئی کارروائی کرسا دہشت گرد آتا جاگہ غاتے بھس کریر ہرانا سوب آن بھارت نا کاٹم خواجہی ٹی کاریم کروک 5 دہشتگرد ءِ دوزخی کننگا۔ کارروائی ٹی، سلہہ، منچر نا بھلو کوڑی اس ہم دوئی کننگا۔ علاقہ ٹی ساڑی پین بھارتی کاٹم خواجہی ٹی کاریم کروک دہشتگرد آتا چٹفنگ کن سینیٹائزیشن آپریشن برجاءِ۔ سیکورٹی فورس و پاکستان نا کانود نافذ کروک ادارہ غاتا کنڈآن وژن “عزمِ استحکام” (ہرانا منظوری نیشنل ایکشن پلان آفیڈرل ایپکس کمیٹی تسوسس) نا رداٹ دہشت گردی تور انا دا بے فرق مہم پورو ترندی اٹ برجاسلک، تانکہ ملک آن درملکی کاٹم خواجہی و مخ تف دہشت گردی نا لعنت ءِ پورو وڑ اٹ چٹفنگ مرے۔