گوادر اٹ سفائی نا رِد اٹ روڈ سویپر مشین نا بنا

گوادر، میونسپل کارپوریشن گوادر نا چیئرمین ماجد جوہر شار اٹی سفائی نا نظام ءِ پین گچین و پوسکنوڑ جوڑ کننگ کن روڈ سویپر مشین نا بناءِ کرے‘ دا گام انا مسخت شار انا سڑک آتا سفائی ءِ گچین جوڑ کننگ، شاری چاگڑد ءِ سفا تخنگ و الس ءِ جان دراخ چاگڑد نا فراوانی ءِ پک کننگ ءِ داوخت آ وائس چیئرمین حاجی سیف اللہ ہوت، حاجی جاوید، فیصل اللہ بخش، صدام بلوچ، خلیل رسول بخش، ایلو کونسلر و میونسپل کارپوریشن نا کارندہ غاک ہم ساڑی ئسر روڈ سویپر مشین نا فراوانی آن شار انا اہم شاہراہ و سڑک آتا سفائی نا عمل اٹی گچینی بریک، وخت اس کہ پوسکنوڑ مشینری نا کاریم اٹ اتنگ آن سفائی نا کاریم ءِ زیات گچین و منظم وڑ اٹ سر تننگ اٹی کمک رسینگک‘ او پارے کہ میونسپل کارپوریشن گوادر نا کنڈآن پوسکنوڑ مشینری نا کاریم اٹ اتنگ شار انا سفائی، چاگڑدی رکھ و شاری تے گچین بلدیاتی آسراتی فراوان کننگ نا کوشست آتا بشخ ءِ‘ دا رد اٹ شاری تا کمکاری و زموارانہ وڑ ءِ ہم اہم گوندنگا تاکہشار انا سڑک، گلی و السی ہند آتے سفا تخنگ تون اوار گوادر نا زیبائی و مثبت پجار ءِ پین گچین جوڑ کننگ مرے۔