وزیراعظم نا واشک اٹی سیکورٹی فورس آتا آپریشن نا ستا
Get real time updates directly on you device, subscribe now.
اسلام آباد، وزیراعظم محمد شہباز شریف بلوچستان نا ضلع واشک اٹی بھارتی مخ تف دہشت گرد آتا برخلاف سیکورٹی فورس آتا سرسہب انٹیلی جنس بیسڈ آپریشن نا ستاءِ کرسا پارینے کہ عزم استحکام نا وژن نا رداٹ سیکورٹی فورس آک دہشت گردی نا برخلاف نمان سرسہبی دوئی کننگ اٹی ءُ۔ پنچ شنبے نا دے آپی ایم آفس نا میڈیا ونگ آن جاری بیان نا رداٹ وزیراعظم محمد شہباز شریف آپریشن اٹی 5 بھارتی مخ تف دہشت گرد آتے خلنگ آ سیکورٹی فورس آتے خراج تحسین پیش کرے۔ وزیراعظم پارے کہ عزم استحکام نا وژن نا رداٹ سیکورٹی فورس آک دہشت گردی نا برخلاف نمان سرسہبی دوئی کننگ ءُ و ملک آن ہر وڑ انا دہشت گردی نا پورو چٹفنگ کن سنبرینگوک ءُ۔