وزیراعظم نا اپوزیشن لیڈر محمود اچکزئی تون اسمبلی ٹی اوڑدہی، مذاکرات نا سلہ

اسلام آباد، وزیراعظم شہباز شریف اپوزیشن لیڈر محمود خان اچکزئی تون اوڑدہی کرے۔ اوڑدہی قومی اسمبلی نا ایوان اٹی مس۔ وزیراعظم شہباز شریف اپوزیشن لیڈر ءِ دوارہ مذاکرات نا سلہ خلک و غاو کرے کہ چیف الیکشن کمشنر و ممبر آتا تقرری سال اسے ناءِ سلوک ءِ دا اہم انگا آئینی گرج آبایدے کس اس سیاست کپ۔ اپوزیشن لیڈر وزیراعظم نا ہیت آتے چپی اٹ بنفسا کاٹم ءِ سرفے۔ وزیراعظم اپوزیشن لیڈر تون اوڑدہی آن پد قومی اسمبلی آن ہنا اوکان گڈ حمزہ شہباز ہم اپوزیشن لیڈر محمود خان اچکزئی تون اونا نشست آ ہنسا سلام دعا کرے۔