بلوچستان نا زرگزران اٹی مالداری و کشاری بشخ بھاز اہم ءِ، بابر خان

کوئٹہ، سیکرٹری مواصلات و تعمیرات بابر خان نا کماشی ٹی مچ آ صوبہ ٹی میوہ و سوزی منڈی، غلہ منڈی، بس ٹرمینل و پڑی تا فعال مننگ و اوفتے ٹی آسراتی تا فراوانی تون تعلقدار برجا شونداری ڈٹ آتیا پیشرفت نا جاچ ہلنگ کن اسہ اہم ءُ دیوان اس اڈ ہلک۔ دیوان اٹی کل شش زون تا چیف انجینئرز، افسر، کنسلٹنٹس و ایگزیکٹو انجینئر افسر آک زوم انا کمک اٹ دیوان اٹی بشخ ہلکر۔ دا وخت آ تعلقدار کمامدار آتا کنڈ آن جتا ڈٹ آتیا برجا پیشرفت، مون تروک چیلنج و آخبت نا لائحہ عمل نا بابت جم بریفنگ تننگا۔ دیوان آن تران کرسا سیکرٹری مواصلات و تعمیرات بابر خان پارے کہ بلوچستان نا زرگزران ٹی کشت وکشار و لائیو اسٹاک نا بشخ آتے بنداوی اہمیت دوئی ءِ، ہندا سوب آن دا بشخ آتے پوسکنوڑ خواست آتتون ہمگرنچ کننگ کن مارکیٹ انفراسٹرکچر نا شونداری المی ءِ۔