مزور کار تپہ ملکی زرگزران نا شہ رگ مریک، نسیم الرحمن ملاخیل

کوئٹہ، صوبائی سلاہکار چاگڑد و موسمیاتی بدلی نسیم الرحمن خان ملاخیل پارینے کہ مزور کار تپہ ملک انا زرگزران و شونداری ٹی بنداوی کڑد ادا کیک۔ ہندا سوب آن مزور تا حق آتا رکھ، اوفتے مون تروک ویل آتا ایسری و اوفتا آسراتی وآسودہی ءِ پک کننگ المی ءِ۔ او دا ارادگی نا درشانی ءِ کرے کہ مزور تا روا انگا ویل آتا ایسری و اوفتا توار ءِ تعلقدار کمامدار آتسکان رسیفنگ کن وس انا کچ آ کوشست کننگک۔ دا خیال آتا درشانی ءِ او مسلم لیگ (ن) نا لیبر ونگ و ایلو مزور تنظیم تا بست و بند اٹی اڈ ہلوک آ دود آن تران کرسا کرے۔ نسیم الرحمن خان ملاخیل گورنر بلوچستان جعفر خان مندوخیل نا خاص منتواری ءِ ہرفے کہ او گٹ مننگ آن پد ہم دود اٹی بشخ ہلسا مزور راہشون تا است بڈی ءِ کرے