نہادی خل تا بشخ اٹی گچینی اتنگ آتے پک کننگے، وزیر اعظم

اسلام آباد، وزیراعظم محمد شہباز شریف پاکستان نا نہادی خل و جواہر آتا بشخ انا شونداری کن برجا گام گیج آتیٹی سست روی آ ترندی نا درشانی ءِ کرسا تعلقدار کمامدار آتے اولیتی بنداو تیا پک کروک وخت اٹ جم لائحہ عمل ٹہیفسا پیش کننگ نا پارت کرینے۔ وزیراعظم پیدوار کرے کہ نہادی خل تا بشخ انا شونداری حکومت نا اولیت آتیٹی اوار ءِ و دا بابت ہچ وڑ انا سست روی ءِ سگنگ مفک۔ او پارے کہ پاکستان قدرتی وسیلہ غاتیان شپ ءِ ولے ہیبدار کان کنی، تراشنگ نا کچ اٹ بست وبند و اسمگلنگ نا سوب آن ملک ءِ سالانہ ارب آ ڈالر نا نسخان ہرفوئی تمک۔ وزیراعظم شہباز شریف نا کماشی ٹی نہادی خل و جواہر آتا بشخ انا شونداری و برآمد آتیٹی ودکی کن گام گیج آتا جاچ دیوان اسلام آباد اٹی اڈ ہلک، ہراٹی تعلقدار بنجائی وزیر‘ سلاہکار و بڑزکو کمامدار آک بشخ ہلکر۔