11 اکتوبر ملکی تاریخ نا تہار ءُ دے اسے، بیرسٹر گوہر
Get real time updates directly on you device, subscribe now.
اسلام آباد، پاکستان تحریکِ انصاف نا چیئرمین بیرسٹر گوہر علی خان خیبرپختونخوا ٹی ایمرجنسی نا نفاذ و 11 اکتوبر نا گام گیج آتے مسترد کرسا بنجائی حکومت آن فیصلہ غاتے پدی ہلنگ و صوبہ نا الس آن بشخنداری کننگ نا خواست کرینے۔ قومی اسمبلی ٹی تینا خیال آتا درشانی ءِ او پارے کہ دہشت گردی ءِ سیاسی باندات آتے ٹی اوار کننگ نا جاگہ غا نیشنل ایکشن پلان نا رِد اٹ کارروائی کننگے، اگہ دہشت گردی نا برخلاف ہندا پالیسی ءِ تو کچے نا علاقہ غاتیٹی و بلوچستان اٹی ہم ایمرجنسی نافذ کننگے۔ او پارے کہ بلاول بھٹو زرداری نا مذاکرات نا ہیت ستاکڑزک‘ ولے حکومت نا داسہ نا گام گیج آک آئین آن چَپ ءُ۔ بیرسٹر گوہر پارے کہ 11 اکتوبر پاکستان نا تاریخ نا تہار ءُ دے اسےِ و دا دے جاری مروک آ ہر نوٹیفکیشن ءِ مسترد کینہ۔