حکومت پیسہ و توفک نا زور آ سلوک ءِ، محمود خان اچکزئی

اسلام آباد، قومی اسمبلی ٹی اپوزیشن راہشون محمود خان اچکزئی حکومت آ تنقید کرسا دوبہ خلکنے کہ ساڑی حکومت پیسہ و توفگ نا زور آ سلوک ءِ و اسمبلیک بہا کننگانو۔ او حکمران آتے مستین نا سیاسی ردینک آتیان سبخ ہلنگ نا سلاہ ترسا پارے کہ دے ٹکی پاکستان نا حالیت آک ہم حکمران آتا رویہ و سیاسی فیصلہ تا پد ئسر۔ او حکومت آن خواست کرے کہ او تینا گام گیج آتا اولسر جاچ ہلے الس ءِ تنک کننگ نا ریسہ ءِ بند کے و سیاسی بے چیٹی ءِ کم کننگ کن دمدستی گام گیج کے۔ قومی اسمبلی ٹی تینا خیال آتا درشانی ءِ کرسا محمود خان اچکزئی پارے کہ تختِ لاہور بھاز بھلو ظالم اسے۔