پاکستان سعودی عرب تون دفاع و سلامتی کن ہم کوپہ سلوک ءِ

اسلام آباد، وزیراعظم محمد شہباز شریف پارینے کہ پاکستان سعودی عرب نا وتواجہی، علاقائی سالمیت و سلامتی نا رکھ کن تینا بدل مفروک ارادگی نا سلوک ءِ و مکہ ڈیفینس معاہدہ نا رد اٹ سعودی عرب تون دفاعی کمکاری ءِ پین شون تننگ کن سنبرینگوک ءِ۔ او پارے کہ مکہ امن معاہدہ ڈیہہ اٹی امن، سیوت و سوگوی کن اسہ تاریخی مزل نا نشان اسے نا حیثیت تخک۔ وزیراعظم محمد شہباز شریف تون مکہ ڈیفینس الائنس نا اولیکو سیکرٹری جنرل، لیفٹیننٹ جنرل (ر) نعمان محمود اوڑدہی کرے۔ وزیراعظم عہدہ سنبھالنگ آ جنرل (ر) نعمان محمود کن نیک استخواہی تا درشانی ءِ کرے و اونا زمواری تا سرسہب سرتس کن اومیت نا درشانی ءِ کرے۔