ایس او ایس چلڈرن ویلیج تدوک آ 20 سال آن چوری چنا و مسن تا کفالت اٹی ءِ /گورنر بلوچستان جعفرخان مندوخیل
''لی پوش'' کوئٹہ نا کنڈ آن چوری آ مسن تیکن اسہ سال نا پروفیشنل ہیلکاری پروگرام نا بست و بند ستا کڑزوک گام اسے
Get real time updates directly on you device, subscribe now.
کوئٹہ، گورنر بلوچستان جعفرخان مندوخیل پارینے کہ ایس او ایس چلڈرن ویلیج تدوک آ 20 سال آن چوری چنا و مسن تا کفالت، خواننگ و ہیلکاری و اوفتے اسہ شرفدار ءُ آخبت اس فراوان کننگ کن ستا کڑزوک خذمت سرتننگ اٹی ءِ۔ ”لی پوش” کوئٹہ نا کنڈ آن چوری و حقدار مسن تیکن زرگزرانی وڑ اٹ تینے آ ولفنگ کن اسہ سال انا کسبی ہیلکاری پروگرام نا بست و بند کننگ ستا کڑزوک گام اسے۔ نن مسکوہی سینیٹر و چیئرپرسن ایس او ایس ویلیج روشن خورشید بروچہ ءِ ہزار آ چوری و حقدار چنا و مسن تا رکھوک آخبت ءِ پک کننگ آ خراجِ تحسین پیش کینہ۔ دا بابت توفیق تخوک بندغ آک مونی بریر، چوری، بیوس و حقدار بندغ آتا کاٹم آ مہر و شفقت نا دو تخر تاکہ راج انا ہچ ءُ چناس محرومی و بیوسی نا گواچی مف۔ دا خیال آتا درشانی ءِ او ایس او ایس چلڈرن ویلیج اٹی اڈ ہلوک ایوارڈ دود انا بشخ ہلوک آتیان تران کرسا کرے۔