استامحمد شار اٹی دیر انا کشنگ نا متکن آ ویل انا آخبتی ایسری کن 15 کروڑ روپئی نا مسہ اہم شونداری ڈٹ آتا ٹینڈر جاری
Get real time updates directly on you device, subscribe now.
نصیرآباد، ڈپٹی کمشنر استامحمد محمد رمضان پلال استامحمد اٹی دیر انا کشنگ نا متکن آ ویل انا ایسری نا بابت جم آتے پارسا پارینے کہ استامحمد شار اٹی دیر انا کشنگ نا متکن و اہم انگا ویل ءِ شاری تا کنڈ آن جتا جتا غاو دیوان تا وخت آ پدریسہ توار و نوشتئی وڑ اٹ ضلعی انتظامیہ نا مون آ پیش کننگاسس۔ شاری تا دا متکن آ خواست و ویل نا آخبتی ایسری کن حکومت بلوچستان نا کنڈ آن بلوچستان اسپیشل ڈویلپمنٹ انیشیٹو (BSDI) فیز تھری نا رِد اٹ استامحمد اٹی دیر انا کشنگ نا نظام ءِ گچین و بھرمی جوڑ کننگ کن 15 کروڑ روپئی مالیت نا مسہ اہم شونداری ڈٹ آتا ٹینڈر جاری کننگانو۔ ڈپٹی کمشنر پارے کہ دا ڈٹ آتا مسخت شار اٹی سیوریج و پِر انا دیر انا کشنگ نا ساڑی ویل آتے کم کننگ، دیر نا کشنگ نا نظام ءِ منظم کننگ و شاری آبادی ءِ مون تروک خواری تا آخبتی بنداو آ ایسری ءِ پک کننگ ءِ۔