ایران آبنائے ہرمز ءِ ملنگ کن امریکہ ءِ ہفت شڑت پیش کرے

تہران، ایران آبنائے ہرمز ءِ ملنگ کن امریکہ ءِ ہفت شڑت پیش کرینے، ایران پیدوار کرینے کہ سلطنتِ عمان تون پک بروک معاہدہ نا سوب آن آبنائے ہرمز ءِ ملنگپک۔ روسی میڈیا نا رِد اٹ ایران خیرخواہی کروک آتا کمک اٹ امریکہ ءِ ہفت شڑت پیش کرینے ولے شڑت آتا سرجم آتے پاننگتنے۔ روسی میڈیا پارینے کہ ایران امریکہ غا پیدوار کرینے کہ شڑت آک پورو متوس تو آبنائے ہرمز ءِ ملنگپک۔ ایران نا وزارتِ خارجہ پارینے کہ تہران دوشنبے نا دے مسقط اٹی دیوان نا مہمانداری ءِ کیک ہراٹی عراق و خلیجی ملک آتا نمائندہ غاک ہم بشخ ہلیرہ۔ دا ملک آتے سلہ خلنگ نا مسخت اوفتے پوسکن آ کسر نا سرجم و ٹرانزٹ نا بست و بند آتیان معلومدار کننگ پاننگانے۔